У пятніцу, 11 кастрычніка, Беларуская Рада культуры запрашае на лекцыю Уладзіміра Арлова «Ад Рагнеды да Ларысы Геніюш: роля жанчын у гісторыі Беларусі».
Вы даведаеся пра асветніцу і мецэнатку Еўфрасінню Полацкую, пра Сафію Полацкую, каралеву Даніі, правы жанчын у Вялікім Княстве Літоўскім, пісьменніцу і тэатральную дзяячку Францішку Уршулю Радзівіл і авантурыстку і мемуарыстку Саламею Пільштынову, Эмілію Плятэр і гераіняў вызвольных паўстанняў 1830-1831 і 1863-1864 гг., пра міністарку Першага Ураду БНР Палуту Бадунову і жаночыя лёсы ў гады сталінізму.
Пасля лекцыі будзе гістарычная віктарына з прызамі, кніжны кірмаш і аўтограф-сесія пісьменніка.
Уваход вольны.
Дата: 11 кастрычніка
Час: 19.00 (час мясцовы)
Месца: Гасцёўня Беларускай Рады культуры, Šv. Ignoto g. 5, Вільня
