Монаспектакль Алены Багдановіч “Дзе б мы ні прычалілі”.
Незвычайны спектакль паводле мемуараў Надзеі Тэфі, у выкананні таленавітай актрысы і рэжысеркі Алены Багдановіч – сябра нашай арганізацыі.
Падчас спектаклю мы нібыта перажылі разам з пісьменніцай яе цяжкае падарожжа праз эміграцыю, успаміны і пошук сябе ў свеце. Глыбокая гісторыя, эмоцыі, перажыванні блізкія кожнаму з нас.
Запіс спектаклю можна паглядзець на старонцы Dapamoga ў Фэйсбук.
Спантанны канцэрт Аляксандра Памідорава.
Адразу пасля спектаклю сцэну захапіў непаўторны Аляксандр Памідораў, чый канцэрт стаў сапраўдным неспадзяваным падарункам для ўсіх прысутных. Яго магутная энергетыка, унікальны блюз і гісторыі ад чалавека-легенды, што блізкія кожнаму беларусу, зрабілі вечар незабыўным.
Запіс канцэрту можна паглядзець на старонцы Dapamoga ў Фэйсбук.
Дзякуем усім, хто быў з намі!
Беларускі Замак – месца, дзе жыве культура, гісторыя, натхненне
Сачыце за нашымі аб’явамі, каб не прапусціць новыя падзеі!
